Tambazotra hizaràna fahalalàna mikasika ny fanjariantsakafo sy ny tontolony, miantefa amin’ny Malagasy, mba hivelarana sy handrosoan’ny sokajin-taona rehetra.

Mampiseho fampiharana nahandro isan-karazany, tsy lafo vidy, sady mamerina ny hafatra fitandroana ny fahadiovan’ny fikarakaràna sakafo.

Samy hafa amin’ny tambazotra mifantoka amin’ny fahaiza-mahandro avo lenta, nefa kosa manampy ny tanora hahay hahandro amin’ny fanomezana mazava ny dingana arahina miaraka amin’ny fanehoana an-tsary.

Mamporisika famokarana akoran-tsakafo azo atao eo an-tokontany, mba hampihena ny fandanian’ny ankohonana sy mety hahazoany mandavan-taona karazam-boankazo mahasalàma.

Mampatsiahy ny fahatsaràn’ny karazam-bokatra hita amin’ny faritra maro eto Madagasikara, izay tokony hampidirina ao anatin’ny fomba fisakafon’ny ankohonana.

Hanome tolotra ahafan’ny mpanaraka ny tambazotra, mandrefy raha mandroso tsara ny fomba fisakafon’ny ankohonany.